Editora, autora e ilustradora
Pili Sánchez publica con Peruchela Edicións
O día 28 de novembro de 2020, ano pandémico, presentamos as dúas primeiras publicacións de Pili Sánchez Martínez baixo o noso selo editorial: un poemario e un libro de contos.
Atrevémonos a embarcarnos neste modesto proxecto facendo medio cento de unidades do poemario e un cento de unidades do libro de contos.
A presentación fíxose baixo as medidas de seguridade recomendadas polas autoridades sanitarias dentro da Libraría Pelayo, e foi gravada e subida ás redes sociais.
Podes ver nas ligazóns inferiores momentos do noso primeiro acto de presentación de libro.
A ilustradora dos libros foi Anabel Glez, profesora de arte no IES Daviña Rey de Monforte. A editora foi Esmeralda Casabianca, licenciada en Filoloxía Galega pola USC.
Moi pronto se acabaron os exemplares e, no 2022, fixemos unha 2ª edición de Estamos de Conto ao mesmo tempo que Pili presentaba o seu segundo libro de narrativa, Seguimos de Conto.
